မြန်မာနိုင်ငံ အလယ်ပိုင်း အပူပိုင်းဒေသတွင် နေထိုင်ကြသော တောင်သူဦးကြီး များသည် မိုးနည်းဒေသဖြစ်သဖြင့် ယာစိုက်ပျိုးရေးလုပ်ငန်းကို အဓိကလုပ်ကိုင်ကြ သည်။ ယာစိုက်ပျိုးရေးလုပ်ငန်းတွင် မိဘဘိုးဘွားခေတ်ကတည်းက စိုက်ပျိုးထုတ် လုပ်ခဲ့ကြသော်လည်း ယာမြေအတွက် မိမိအိမ်မှာ မွေးမြူထားသော နွားချေးကိုသာ အသုံးပြုပြီး အထွက်ကောင်းရန် မြေသြဇာထည့်မှု့မှာ အင်မတန်နည်းခဲ့သဖြင့် ယခု အခါသီးနှံအထွက်နှုန်းများ ကျဆင်းလာရသည်။ယခင်ကဲ့သို့ နွားချေတစ်မျိုးတည်း ကိုသာထည့်လျှင် နောင်နှစ်ပေါင်းများစွာကြာသောအခါ သီးနှံအထွက်နှုန်းမှာ သိသိသာ သာ ကျဆင်းလာမည်။ဓာတုမြေသြဇာများသည် အသုံပြုလျှင် တုန့်ပြန်မှုအားကောင်း သော်လည်း များများအသုံးပြုလျှင် ဆိုးကျိုးများ ဖြစ်တက်သည်။ထို့ကြောင့် အန္တရယ် ကင်းသောသဘာဝမြေသြဇာကိုလည်း ပြုလုပ်သုံးစွဲ သင့်သည်။
ယခုအချိန်၌ ယာမြေများတွင် မြေပဲ၊နှမ်းစသည့် ဆီထွက်သီးနှံများ စိုက်ပျိုးထား သဖြင့် ပေါင်းရှင်းနေသည့် အချိန်ကာလဖြစ်သည် ပေါင်းမြက်များစွာရှိနေသည်။ ထိုပေါင်းမြက်များကို မြေဆွေးပြုလုပ်ကာ အကျိုးရှိရှိအသုံးချသင့်သည်။ထို့သို့ပြုလုပ် ခြင်းဖြင့် သဘာဝမြေသြဇာများ ရရှိပြီး စိုက်ခင်းအတွင်းသို့ မြေသြဇာများ များများ ထည့်နိုင်မည်ဖြစ်သည်။
ပေါင်းမြက်များဖြင့် သဘာဝမြေသြဇာပြုလုပ်ရန်အတွက် ယာကွက်ဘေးထောင့် တစ်နေရာတွင် အလျှား(၅)ပေ၊အနံ(၅)ပေနှင့် အမြင့်(၃)ပေ ရှိသော ကျင်းတူးရမည်။ ထိုသို့မလုပ်နိုင်ပါက မြေပေါ်တွင် ၎င်းပုံအတိုင်း သစ်ကိုင်း (သို့မဟုတ်)ထန်းရွက်များ ဖြင့် ကျင်းဖွဲ့ရမည်။ ၎င်းကျင်းထဲသို့ ပေါင်းမြက်များကို အလွှာလိုက်ထည့်ရမည်။ တစ်လွှာတွင် (၈)လက်မခန့်ရှိရမည်။ပုလဲမြေသြဇာ၊နွားချေး၊အိမ်ဆောက်ထုံးနှင့် ရေရရှိနိုင်ပါက ပထမအလွှာစီပြီးလျှင် ပုလဲ နို့ဆီဘူး(၁)ဘူးထည့်ရမည်။ထို့နောက် ရေ(၆)လီတာ ဖြန်းပေးရမည်။ထို့နောက်တစ်လွှာစီ၍ ထိုအလွှာပေါ်တွင် နွားချေး (၄)ပြည်ကို ဖြန့်ထည့်ရမည်။
ထို့နောက် ရေ(၁၀)လီတာဖြန်းပေးရမည်။၎င်းအပေါ်မှ အိမ်ဆောက်ထုံး(၁)ဘူး ကြဲပက်ပေးရမည်။ထိုသို့ တစ်လွှာပီးတစ်လွှာရသလောက် ပြုလုပ်ပြီး (၅)လခန့်အကြာတွင် ထိုမြေဆွေးပုံမှ သဘာဝမြေဆွေးများကို ထုတ်ယူ အသုံးပြုနိုင်သည်။ရရှိလာသော မြေဆွေးများကို ခရမ်းချဉ်၊ဖရဲ၊သခွားစသည်တို့ စိုက် ပျိုးရန် ပျိုးထုပ်ထုပ်ရာတွင်လည်း သဲနှုန်းမြေ (၁)တောင်း မြေဆွေး(၂)တောင်းနှုန်းဖြင့် ရောစပ်အသုံးပြုနိုင်သည်။
မြန်မာနိုင်ငံအလယ်ပိုင်း မိုးနည်းဒေသတောင်သူများအတွက် ပေါင်းမြက်များကို အကျိုးရှိရှိ သဘာဝမြေသြဇာ ပြုလုပ်သုံးစွဲနည်းကို အကြံပေးတင်ပြအပ်ပါသည်။
ကိုမိုးနည်း(အညာ)
PDF အဖြစ်သိမ်းထားလိုပါက Download
EmoticonEmoticon